24 нче декабрьдә Казанда Идел буе физкультура, спорт һәм туризм академиясенең уку-лаборатор корпусында талантлы яшьләрне - халыкара, бөтенроссия һәм төбәк олимпиадалары һәм конкурслары җиңүчеләрен, призерларын, шулай ук аларны әзерләгән остазларны бүләкләделәр.
Мондый чара 2006 нчы елдан башлап, ел саен үткәрелеп килә. Быел 177 кеше Россия Президенты лауреаты булды. Премия социаль әһәмиятле һәм иҗтимагый эшчәнлек, фәнни-техник иҗат, уку-тикшеренү эшчәнлеге, профессиональ осталык, сәнгать, спорт номинацияләре буенча бирелә.
Шунысы сөенечле: лицей-интернатның 9А сыйныфы укучысы Хәйруллин Таһир Рамил улы да әлеге премия лауреаты булу бәхетенә иреште.