3 нче августтан 9 нчы августка
кадәр Актаныш районында "Агыйдел" II төбәкара балалар һәм яшүсмерләрнең иҗади-интеллектуаль форумы уза. Форумда Татарстан, Башкортостан, Кыргызстан, Марий Эл, Удмуртия Республикалары, Самара, Киров, Оренбург, Ульян өлкәләреннән килгән 300 гә якын сәләтле бала катнаша.
Әлеге форумны оештыруның максаты - IT, робот техникасы, заманча интеллектуаль технологияләр өлкәсендә тәҗрибә һәм идеяләр, проектлар белән уртаклашу мәйданчыгы булдыру.
Форум программасы кысаларында Татарстан Республикасының әйдәп баручы компанияләре тарафыннан үткәрелгән мастер-класслар, төрле тренинглар, инглиз һәм татар телен тирәнтен өйрәнү, экологик тәрбия, спорт уеннары уздыру каралган.
Әлеге форумда лицей егетләре дә катнаша. IT, робот техникасы буенча узган чараларда катнашу аларга үзләрен сынап карарга, тәҗрибә тупларга ярдәм итәр дип ышаныйк.