18 февраль көнне икенче санлы Җәлил урта гомуми белем бирү мәктәбендә "Муса Җәлил - иҗат һәм батырлык үрнәге" дип аталган республикакүләм фәнни-гамәли конференция үткәрелде. Икенче турда республиканың 33 районыннан 156 укучы катнашты. Укучылар "Муса Җәлилнең иҗади мирасы", "Муса Җәлил сәнгатьтә", "Муса Җәлил эзләре буйлап", "Муса Җәлил безнең йөрәкләрдә" кебек секцияләрдә үзара көч сынаштылар. "Муса Җәлил безнең йөрәкләрдә" секциясендә үзе язган проза әсәре белән катнашып, 9А сыйныфы укучысы Хәкимов Илназ 2 дәрәҗә дипломга лаек булды. Котлыйбыз!